ஷ்யாவின் மறுசீரமைப்பு நடவடிக்கைகளின் அளவை சில அமெரிக்க நாடாளுமன்ற உறுப்பினர்கள் புரிந்து கொள்ளவில்லை என்று ஜேர்மன் சேன்ஸலர் பிரெட்ரிக் மெர்ஸ் தெரிவித்துள்ளார்.

நேட்டோ பிரதேசத்தைத் தாக்கும்

வெள்ளை மாளிகையில் அமெரிக்க ஜனாதிபதி டொனால்ட் ட்ரம்புடன் சந்திப்பை முடித்த அடுத்த நாள் மெர்ஸ் இந்த குற்றச்சாட்டை முன்வைத்துள்ளார். ரஷ்யாவில் என்ன நடக்கிறது என்பது அமெரிக்காவிற்கு தெரியவில்லை என குறிப்பிட்டுள்ள மெர்ஸ், அந்த நாடாளுமன்ற உறுப்பினர்கள் யார் யார் என்பதை அடையாளப்படுத்த மறுத்துவிட்டார்.

பிப்ரவரி 2022 இல் உக்ரைன் மீதான முழு அளவிலான படையெடுப்பு தொடங்கியதிலிருந்து ரஷ்யா தனது ஆயுத தொழிற்சாலைகளை 24 மணி நேர உற்பத்திக்கு மாற்றியுள்ளது.

மேலும் வட கொரியா மற்றும் ஈரானுடன் ஆயுத ஒப்பந்தங்களில் கையெழுத்திட்டுள்ளது, இதனால் ரஷ்யா விரைவில் நேட்டோ பிரதேசத்தைத் தாக்கும் நிலையில் முன்வரக்கூடும் என்று ஐரோப்பிய அதிகாரிகள் எச்சரிக்கத் தொடங்கினர்.

பனிப்போருக்குப் பிறகு 2025 ஆம் ஆண்டுக்கான பாதுகாப்பு பட்ஜெட்டை மிக உயர்ந்த நிலைக்கு ரஷ்யா உயர்த்தியது. ரஷ்யாவின் படையெடுப்பிற்கு எதிராக உக்ரைனை ஆதரிக்க வேண்டியதன் அவசியம் தொடர்பில் ட்ரம்பை நம்பவைக்கவும்,

அமெரிக்கா விலகும் வாய்ப்பில்லை

எந்த காரணத்தாலும் நேட்டோ அமைப்பில் இருந்து அமெரிக்கா விலகும் வாய்ப்பில்லை என்பதை ட்ரம்ப் உறுதிப்படுத்தியதாக மெர்ஸ் குறிப்பிட்டுள்ளார்.

இரண்டாம் உலகப் போருக்குப் பிறகு ஐரோப்பா கண்டத்தில் மிகவும் இரத்தக்களரி மோதலைத் தூண்டிய உக்ரைன் மீதான ரஷ்யாவின் முழு அளவிலான படையெடுப்பிலிருந்து ஐரோப்பிய நாடுகள் பாதுகாப்புச் செலவினங்களை அதிகரித்து வருகின்றன.

விரும்பினாலும் இல்லாவிட்டாலும் ஜேர்மனி உட்பட எஞ்சிய நாடுகள் அமெரிக்காவை சார்ந்திருக்க வேண்டிய கட்டாயம் இருப்பதாக மெர்ஸ் குறிப்பிட்டுள்ளார்.