நேற்று கட்சி தொடங்கி இன்று முதல்வராக வேண்டும் என சிலர் நினைக்கின்றனர் என்று தவெக தலைவர் விஜய்யை துணை முதல்வர் உதயநிதி ஸ்டாலின் மறைமுகமாக தாக்கிப் பேசினார்.
திராவிடர் கழக தலைவர் கி.வீரமணியின் 93வது பிறந்தநாளை முன்னிட்டு அவரது இல்லத்துக்கு நேரில் சென்று முதல்வர் மு.க.ஸ்டாலின் அவருக்கு வாழ்த்து தெரிவித்தார். முதல்வருடன் அமைச்சர்கள் கே.என்.நேரு, மா.சுப்பிரமணியன், அன்பில் மகேஸ் ஆகியோர் உடன் இருந்தனர். மேலும் சென்னை வேப்பேரியில் உள்ள பெரியார் திடலில் நடைபெற்ற பிறந்தநாள் விழாவில் துணை முதல்வர் உதயநிதி ஸ்டாலின் பங்கேற்று வீரமணிக்கு பொன்னாடை அணிவித்து புத்தகம் வழங்கி வாழ்த்து தெரிவித்தார்.
