மாமனிதர் ஜோசப் பரராஜசிங்கத்தின் உருவப்படத்திற்கு முன்பாகப் பொதுச் சுடர் ஏற்றப்பட்டு ஒரு நிமிட மெளன வணக்கம் செலுத்தப்பட்டு அதனைத் தொடர்ந்து மலர் அஞ்சலியும் செலுத்தப்பட்டது. அதனைத் தொடர்ந்து மூத்த எழுத்தாளர் மு.ஈழத்தமிழ்மணி நினைவுரை நிகழ்த்தினார்.

இதேவேளை, ஜோசப் பரராஜசிங்கம் கடந்த-2005 ஆம் ஆண்டு டிசம்பர்- 24 ஆம் திகதி மட்டக்களப்பு புளியந்தீவு புனித மரியாள் தேவாலயத்தில் நடந்த நத்தார் நள்ளிரவு திருப்பலிப் பூசையின் போது துப்பாக்கிதாரிகளால் சுட்டுப் படுகொலை செய்யப்பட்டார். சம்பவத்தில் அவரது மனைவி படுகாயமடைந்திருந்தார். ஜோசப் பரராஜசிங்கத்தின் தமிழ்த்தேசியப் பணிகளுக்கு மதிப்பளித்து தமிழீழ விடுதலைப் புலிகளின் தலைவர் வேலுப்பிள்ளை பிரபாகரனால் “மாமனிதர்” எனும் உயரிய விருது வழங்கிக் கெளரவிக்கப்பட்டார்.