பிலியந்தலையில் விசேட சோதனை ; போதைப்பொருள் பயன்படுத்திய பேருந்து சாரதிகளும் நடத்துனர்களும் கைது!

பிலியந்தலை பொது பஸ் தரிப்பிடத்தில் மேற்கொள்ளப்பட்ட விசேட சோதனையில் போதைப்பொருள் பயன்படுத்திய பஸ் சாரதிகளும் நடத்துனர்களும் உள்ளிட்ட 7 பேர் பிலியந்தலை பொலிஸாரால் கைதுசெய்யப்பட்டுள்ளனர்.

இந்த விசேட  சோதனையில் சுமார் 170 பஸ் சாரதிகளும் நடத்துனர்களும் பரிசோதனைக்குட்படுத்தப்பட்டுள்ளனர்.

பரிசோதனையில் பஸ் சாரதிகளும் நடத்துனர்களும் உள்ளிட்ட 7 பேர் போதைப்பொருள் பயன்படுத்தியுள்ளதாக உறுதி செய்யப்பட்டுள்ளது.

கைதுசெய்யப்பட்டவர்க கெஸ்பேவ நீதவான் நீதிமன்றில் ஆஜர்படுத்த நடவடிக்கை எடுக்கப்பட்டுள்ளது.

இது தொடர்பான மேலதிக விசாரணைகளை பிலியந்தலை பொலிஸார் மேற்கொண்டு வருகின்றனர்.