கொட்டாஞ்சேனையில் போதை மாத்திரைகளுடன் நால்வர் கைது

கொட்டாஞ்சேனை பொலிஸ் பிரிவிற்குட்பட்ட ஆமர் வீதி மாடிக்குடியிருப்பிற்கு அருகில் நேற்று புதன்கிழமை  (23) காலை கொட்டாஞ்சேனை பொலிஸ் நிலைய அதிகாரிகளால் மேற்கொள்ளப்பட்ட விசேட சோதனையின் போது, பெருந்தொகையான போதை மாத்திரைகளுடன் நால்வர் கைது செய்யப்பட்டுள்ளனர்.கிடைக்கப்பெற்ற இரகசியத் தகவலுக்கு அமைய முன்னெடுக்கப்பட்ட இச்சுற்றிவளைப்பின் போது, சந்தேகநபர்களிடமிருந்து 62,100 போதை மாத்திரைகள் பொலிஸாரால் கைப்பற்றப்பட்டுள்ளன.அத்துடன், இவற்றைக்கடத்துவதற்குப் பயன்படுத்தப்பட்ட வேன் வண்டி ஒன்றும் கார் ஒன்றும் பொலிஸாரால் கைப்பற்றப்பட்டுள்ளன.கைது செய்யப்பட்ட சந்தேகநபர்கள் புத்தளம் பகுதியைச் சேர்ந்த  30, 35 மற்றும் 55 வயதுடையவர்களாவர்.மேலும், இச் சம்பவம் தொடர்பில் கொட்டாஞ்சேனை பொலிஸார் மேலதிக விசாரணைகளில்  ஈடுபட்டு வருகின்றனர்.