ஜனநாயகன் திரைப்படம் மற்றும் தூத்துக்குடி அஜிதா பிரச்சினை குறித்து விஜய் எந்த கருத்தும் சொல்லாமல் இருக்கிறாரே என்று செய்தியாளர்கள் கேள்வி எழுப்பினர். அதற்குப் பதில் சொல்வதைத் தவிர்த்து, பேட்டியை நிறைவு செய்தார்.
முன்னதாக பொங்கல் விழா விளையாட்டுப் போட்டிகளில் வெற்றி பெற்றவர்களுக்கு பரிசளித்து அருண்ராஜ் பேசும்போது, தவெக தலைவர் விஜய் குறித்து பொதுமக்களிடம் பல்வேறு கேள்விகளை எழுப்பிக் கொண்டிருந்தார்.
அப்போது சின்னப்பாவடி பொங்கல் விழாக் குழு நிர்வாகி தனசேகர் என்பவர் குறுக்கிட்டு, “பொங்கல் விழா பற்றி மட்டும் பேசுங்கள். அரசியல் பேச வேண்டாம். அதற்கென தனி மேடை போடுங்கள் பேசுங்கள். பொதுவான விழா நடக்கும் இடத்தில் உங்கள் கட்சி அரசியலை இங்கு பேச வேண்டாம்” என்றார்.
இதையடுத்து, வெற்றி பெற்றவர்களுக்கு வாழ்த்துகள் என்று கூறி பேச்சை பாதியிலேயே நிறைவு செய்தார். இந்த நிகழ்வால் சிறிது நேரம் பரபரப்பு நிலவியது.