தமிழ்த் தேசிய விடுதலைக்காக தனது வாழ்நாள் முழுவதும் உறுதியுடனும் அர்ப்பணிப்புடனும் செயற்பட்ட ஒப்பற்ற தமிழ்த் தேசியக் கொள்கைப்பற்றாளர் அமரர் மகாலிங்கம் கனகலிங்கம் சிவாஜிலிங்கத்தின் மறைவு ஈடுசெய்ய முடியாத பேரிழப்பாகும் என மட்டக்களப்பு மாவட்ட முன்னாள் நாடாளுமன்ற உறுப்பினர் பா. அரியநேத்திரன் தெரிவித்துள்ளார்.
சிவாஜிலிங்கத்தின் மறைவையொட்டி அவர் விடுத்துள்ள செய்யிலேயே இவ்வாறு தெரிவித்துள்ளார்.
அதில் அவர் மேலம் தெரிவித்துள்ளதாவது,
1957ஆம் ஆண்டு ஓகஸ்ட் 15ஆம் திகதி யாழ்ப்பாணம், வல்வெட்டித்துறையில் பிறந்த மகாலிங்கம் கனகலிங்கம் சிவாஜிலிங்கம், 2026ஆம் ஆண்டு நவம்பர் 14ஆம் திகதி இரவு 11.50 மணியளவில் தனது 69ஆவது வயதில் இயற்கை எய்தினார்.
ஈழவிடுதலைப்போராட்டத்தில் தமிழீவிடுதலை இயக்கத்தின் ஆரம்ப கால போராளியாக இணைந்து செயல்பட்டவர், தமிழ்தேசிய விடுதலைக்காக தொடர்ச்சியாக உறுதியாக செயல்பட்டவர்.
பின்னர் தேர்தல் அரசியல் செயல்பாட்டில் தமிழ்தேசிய கூட்டமைப்பு உருவாக்கத்தின்பின்னர் இடம்பெற்ற அனைத்து தேர்தல்களிலும் அவர் வேட்பாளராக போட்டியிட்டு மக்கள் பிரதிநிதிகளாக தெரிவானார்.
2001 டிசம்பர் நாடாளுமன்றத் தேர்தலில் சிவாஜிங்கம் தமிழ்த் தேசியக்கூட்டமைப்பில் வேட்பாளராக யாழ்ப்பாணமாவட்டத்தில் போட்டியிட்டு வெற்றி பெற்று முதற்தடவையாக பாராளுமன்றம் சென்றார்.
அந்த தேர்தல் பிரசாரத்தின்போது யாழ்ப்பாணம், ஊர்காவற்றுறையில் 2001,நவம்பர்,28, மாவைசேனாதிராஜா, என்.கே.சிவாஜிலிங்கம் உள்ளிட்டதமிழ்த் தேசியக் கூட்டமைப்பின் அரசியல் கட்சி உறுப்பினர்கள் மீது ஈபிடீபி யால் நடத்தப்பட்டதாக்குதலில் மயிரிழையில் காயங்களுடன் உயிர் தப்பினர் என்பது வரலாறு.
2004 ஏப்ரல் நாடாளுமன்றத் தேர்தலில் மீண்டும் போட்டியிட்டு வெற்றி பெற்றார். சிவாஜிலிங்கம் 2010 ஜனாதிபதி தேர்தலில் சுயேட்சை வேட்பாளராகப் போட்டியிடு 9,662 வாக்குகளைப் பெற்று ஒன்பதாவது இடத்தை பெற்றார்.
2010 தேர்தலில் இவரை தமிழ்த் தேசியக்கூட்டமைப்பு தனது வேட்பாளர் பட்டியலில் இணைக்கவில்லை. இதனை அடுத்து இவர் தான்பிரதிநிதித்துவப்படுத்தும் தமிழீழ விடுதலை இயக்கத்திலிருந்தும், தமிழ்த் தேசியக் கூட்டமைப்பிலிருந்தும் விலகி, தமிழ்த் தேசிய விடுதலைக் கூட்டமைப்பு என்ற பெயரில் புதிய அரசியல் கட்சியை ஆரம்பித்தார்.
இக்கூட்டமைப்பின் சார்பில் இவர் 2010 நாடாளுமன்றத் தேர்தலில் போட்டியிட்டு தெரிவாகவில்லை. இதனால் 2011 யூன் மாதத்தில் தனது கட்சியைக் கலைத்து விட்டு மீண்டும் டெலோ வில்இணைந்து தமிழ்தேசிய கூட்டமைப்பில்2011 உள்ளூராட்சி சபைத் தேர்தல்களில் தமிழ்த்தேசியக் கூட்டமைப்பின் வேட்பாளராகவல் வெட்டித்துறை நகரசபைக்குப் போட்டியிட்டு நகரசபை உறுப்பினராக தேர்ந்தெடுக்கப்பட்டார்.
2013 மாகாணசபைத் தேர்தலில் யாழ்ப்பாண மாவட்டத்தில் போட்டியிட்டு வடமாகாண சபைஉறுப்பினரானார். மாகாண சபை உறுப்பினருக்கான பதவிப்பிரமானத்தை முள்ளிவாய்க்கால் மண்ணில் கிராமத்தில் சமாதான நீதவான் ஒருவரின் முன்னிலையில் எடுத்துக் கொண்டார்.
2019 ஜனாதிபதித் தேர்தல். சுயேச்சை வேட்பாளராகப் போட்டியிட்டு 12,256 வாக்குகளைப் பெற்றார். 2024, ஜனாதிபதி தேர்தலில் தமிழ் பொதுவேட்பாளர் என்னை (பா.அரியநேத்திரன்) ஆதரித்து வடகிழக்கில் பிரசாரங்களை முன் எடுத்தார்.
2025, மே மாதம் வல்வெட்டித்துறை நகரசபையின் தேர்தலில் வெற்றிபெற்று தவிசாளராக தெரிவானார். தேசியதலைவரின் தந்தையார் வேலுப்பிள்ளை அவர்கள் 2010 ஜனவரி 06 இல் பனாகொடை இராணுவ முகாமில் உயிரிழந்தவேளை அவரது இறுதிச் சடங்குகள் மற்றும் தகனம் அவரது சொந்த ஊரான யாழ்ப்பாணம் வல்வெட்டித்துறையில் உள்ள ஊறணி இந்து மயானத்தில் சிவாஜிலிங்கம் எடுத்து சென்று அதனை நடத்தினார்,
தேசிய தலைவரின் தாய் பார்வதி அம்மா, 2011 பெப்ரவரி 20 இல் வல்வெட்டித்துறை வைத்தியசாலையில் மரணித்வேளையில் அவருடைய இறுதி நிகழ்வை சிவாஜிலிங்கம் தாமே முன்னின்று நடத்தினார்.
பாராளுமன்றத்திலும்சரி, பொது இடங்களிலும்சரி பல்வேறுபட்ட கவன ஈர்ப்பு போராட்டங்களை துணிச்சலுடன் முன்நின்று அச்சம் இன்றி பங்கேற்று குரல் கொடுப்பதில் இவர் எப்போதுமே பின்நிற்கவில்லை.
இன விடுதலைக்கான ஆயுதப் போராட்டத்தில் இணைந்து பின்னர் அரசியல் நீரோட்டத்தில் தமிழ்தேசிய கொள்கைப்பற்றுடன் இறக்கும் வரை அற்பணிப்புடனும் துணிச்சலுடனும் செயல்பட்ட ஒரு தமிழ் தேசியவாதியான அமரர் சிவாஜிலிங்கம் அவர்களின் மறைவு ஈடு செய்ய முடியாத இழப்பாகும் என அவர் தெரிவித்துள்ளார்.