யாழ்ப்பாணப் பல்கலைக்கழகத்தின் 41 ஆவது பொதுப் பட்டமளிப்பு விழா இன்று செவ்வாய்க்கிழமை (06.10.2026) காலை யாழ்ப்பாணப் பல்கலைக்கழக உள்ளக விளையாட்டரங்கில் பல்கலைக்கழக வேந்தர் தகைசால் பேராசிரியர் இ.குமாரவடிவேல் தலைமையில் கோலாகலமாக ஆரம்பமாகியது.
இம் முறை பட்டமளிப்பு விழாவில், உயர் பட்டப் படிப்புகள் பீடம், கலைப்பீடம், விஞ்ஞானபீடம், விவசாயபீடம், முகாமைத்துவக் கற்கைகள் மற்றும் வணிக பீடம், தொழில்நுட்பப் பீடம், பொறியியல் பீடம், மருத்துவ பீடம், இந்துக் கற்கைள் பீடம், சித்த மருத்துவ பீடம், சேர். பொன்னம்பலம் இராமநாதன் காண்பிய ஆற்றுகைக் கலைகள் பீடம் மற்றும் யாழ்ப்பாணப் பல்கலைக்கழகத்தின் முன்னைய வவுனியா வளாகத்தைச் சேர்ந்த வியாபாரக் கற்கைகள் பீடம், பிரயோக விஞ்ஞான பீடம் மற்றும் தொழில் நுட்பக் கற்கைகள் பீடம் ஆகிய 14 பீடங்களையும் சேர்ந்த பட்டதாரிகளுக்கும், யாழ்ப்பாணப் பல்கலைக்கழகத் திறந்த மற்றும் தொலைக்கல்வி நிலையத்தில், திறந்த மற்றும் தொலைக்கல்வி முறைமை மூலம் கற்கை நெறிகளைப் பூர்த்தி செய்த பட்டதாரிகளுக்கும் பட்டங்களும், தகைமைச் சான்றிதழ்களும் வழங்கப்படவுள்ளன.
இன்று ஆரம்பமான பட்டமளிப்பு விழா எதிர்வரும்-08 ஆம் திகதி வியாழக்கிழமை வரையான மூன்று நாட்களும் ஒன்பது அமர்வுகளாக நடைபெற ஏற்பாடுகள் செய்யப்பட்டுள்ளன.