தென்கிழக்கு வங்காள விரிகுடா மற்றும் அதனை ஒட்டியுள்ள தென்மேற்கு வங்காள விரிகுடா கடல் பகுதிகளில் நிலைகொண்டுள்ள "அக்வான்" (Akvan) சூறாவளியானது, இன்று (18) அதிகாலை தீவிர சூறாவளியாக மேலும் வலுப்பெற்றுள்ளதாக வளிமண்டலவியல் திணைக்களம் எச்சரிக்கை விடுத்துள்ளது.

"அக்வான்" (Akvan) சூறாவளியானது, இன்று (18) அதிகாலை 2.30 அயளவில் வட அகலாங்கு 12.6° மற்றும் கிழக்கு நெட்டாங்கு 85.6° இற்கு அருகில், திருகோணமலையிலிருந்து வடகிழக்கே சுமார் 650 கிலோமீற்றர் தூரத்தில் மையம் கொண்டுள்ளது.

.இந்தத் தொகுதியானது மேலும் மெதுவாக வடமேற்கு திசையில் நகர்ந்து, மேற்கு-மத்திய வங்காள விரிகுடா கடல் பகுதியில் “வலுவான சூறாவளியாக” மேலும் தீவிரமடையக்கூடிய அதிக சாத்தியக்கூறுகள் உள்ளதாக குறிப்பிட்டுள்ளது.

இத்தொகுதியானது வடமேற்கு திசையில் நகர்ந்து, நாளை (19) பி.ப 05.30 அளவில் ‘’கடுமையான புயலாக” மேலும் தீவிரமடையும் என்பதுடன், நாளை மறுதினம் (20)கடுமையான புயலாக ஆந்திரப் பிரதேசம் மற்றும் யானம் கடற்கரை ஊடாக இந்தியாவுக்குள் நுழையக்கூடும்.

எனவே, வடக்கு அகலாங்கு 06 முதல் 19 வரையிலும், கிழக்கு நெட்டாங்கு 80 முதல் 95 வரையிலும் உள்ள கடல் பகுதிகளிலும், காங்கேசன்துறையிலிருந்து திருகோணமலை மற்றும் மட்டக்களப்பு ஊடாக பொத்துவில் வரையிலான கடற்கரைக்கு அப்பால் உள்ள கடல் பகுதிகளிலும் மறு அறிவித்தல் வரை கடற்றொழில் மற்றும் கடல்சார் நடவடிக்கைகளில் ஈடுபடுவதைத் தவிர்ந்து கொள்ளுமாறு கேட்டுக் கொள்ளப்படுகின்றனர்.

இக்கடல் பகுதிகளில் கடற்றொழில் மற்றும் கடல்சார் நடவடிக்கைகளில் ஈடுபடும் சமூகத்தினர் பாதுகாப்பான இடங்களுக்குச் செல்லுமாறு அறிவுறுத்தப்பட்டுள்ளனர்.

இது தொடர்பில் வளிமண்டலவியல் திணைக்களத்தினால் வெளியிடப்படும் எதிர்கால எதிர்வுகூறல்கள் மற்றும் அறிவிப்புகள் குறித்து கடற்றொழில் மற்றும் கடல்சார் சமூகத்தினர் அவதானமாக இருக்குமாறு கொள்ளப்படுகின்றனர்.

இதன் தாக்கம் காரணமாக நாட்டை சுற்றியுள்ள கடல் பகுதிகளில் காற்று மேற்கு அல்லது வடமேற்கு திசையிலிருந்து வீசுவதுடன், காற்றின் வேகம் மணித்தியாலத்துக்கு 30 - 40 கி.மீ வரை இருக்கும் என்றும் திணைக்களம் தெரிவித்துள்ளது.

நாட்டை சுற்றியுள்ள ஏனைய கடல் பகுதிகளில் காற்றின் வேகமானது இடைக்கிடையே மணித்தியாலத்துக்கு 50 கி.மீ வரை அதிகரிக்கக்கூடும் என எதிர்பார்க்கப்படுகின்றது.

வங்காள விரிகுடாவில் தீவிர சூறாவளியாக வலுப்பெற்றுள்ள அக்வான்! விடுக்கப்பட்டுள்ள அவசர சிவப்பு வானிலை | Akwan Storm Red Weather Warning Issued

காங்கேசன்துறையிலிருந்து திருகோணமலை மற்றும் மட்டக்களப்பு ஊடாக பொத்துவில் வரையிலான கடற்கரைக்கு அப்பால் உள்ள கடல் பகுதிகள் இடைக்கிடையே கொந்தளிப்பாகக் காணப்படும்.நாட்டை சுற்றியுள்ள ஏனைய கடல் பகுதிகள் இடைக்கிடையே சற்று கொந்தளிப்பாகக் காணப்படலாம்.

கடல் பகுதிகளில் சில இடங்களில் மாலை அல்லது இரவு வேளைகளில் மழைோ அல்லது இடியுடன் கூடிய மழை பெய்யக்கூடும். ஏனைய கடல் பகுதிகளில் பிரதானமாக மழை வீழ்ச்சியற்ற காலநிலை நிலவும்.

இதேவேளை, ஊவா மற்றும் தென் மாகாணங்களிலும் அம்பாறை மாவட்டத்திலும் சில இடங்களில் மாலை அல்லது இரவு வேளைகளில் மழை அல்லது இடியுடன் கூடிய மழை பெய்யக்கூடும். நாட்டின் ஏனைய பிரதேசங்களில் பிரதானமாக வறண்ட வானிலை நிலவும்.

நாட்டின் பெரும்பாலான பிரதேசங்களில் காலை வேளையில் பனிமூட்டமான நிலை காணப்படலாம் என வளிமண்டலவியல் திணைக்களம் எதிர்வுகூறியுள்ளது.