இந்தத் திட்டத்தின் நோக்கத்தை சிதைக்கும் வகையில் மாற்றம் செய்த மத்திய அரசு நாடாளுமன்றத்தில் கடும் எதிர்ப்புகளுக்கு இடையே மசோதாவை நிறைவேற்றி உள்ளது. தேவைக்கேற்ப நிதியை ஒதுக்கீடு, தேவைக்கேற்ப வேலை வாய்ப்பு, இத்திட்டத்துக்கு மாநில அரசு கூடுதல் நிதியை ஒதுக்கவேண்டும் என திருத்தம் செய்துள்ளது.

இந்தத் திட்டத்தை சிதைப்பதற்காக பிரதமர் மோடி திட்டமிட்டு திட்டத்தின் பெயரை மாற்றி அமைத்து, அதன் விதிமுறைகளை திருத்தம் செய்துள்ளார். இதை வன்மையாக கண்டிக்கிறோம். வாழ்வாதார உத்தரவாத திட்டம் என்ற பெயர் மாற்றத்தை நாங்கள் ஏற்கவில்லை. மாறாக எதிர்கிறோம்.

நாளை மறுநாள் (டிச.18) நாடு முழுவதும் உள்ள மத்திய அரசு அலுவலகங்கள் முன்பு பெயர் மாற்ற சட்ட நகலை எரிக்கும் போராட்டம் நடத்துவது என கரூர் மாநில செயற்குழுவில் முடிவெடுக்கப்பட்டுள்ளது.

குடிமனை பட்டாவுக்காக தொடர்ந்து போராடி வருகிறோம். அரசு இலவச வீட்டுமனை பட்டா வழங்க வேண்டும் என கோரிக்கை மனு அளித்து வருகிறோம். நத்தம் புறம்போக்கு, அரசு புறம்போக்கில் குடியிருப்போருக்கு வீட்டுமனை பட்டாக்கள் கிடைக்கவில்லை. இனாம் நிலம், பஞ்சமி நிலம் ஆகிவற்றிற்கு பட்டா வழங்கவேண்டும். தமிழ்நாடு அரசு ஒன் டைம் திட்டத்தில் அனைத்து வகையான நிலங்களில் குடியிருப்போருக்கு உடனடியாக வீட்டுமனை பட்டா வழங்க நடவடிக்கை மேற்கொள்ளவேண்டும்” என்றார்.