பிரான்சில், தன் தாயின் உயிரற்ற உடலின் அருகே நான்கு வயது குழந்தை ஒன்று அமர்ந்திருந்த விடயம் அதிர்ச்சியை உருவாக்கியுள்ளது.

பிரான்சிலுள்ள Montagnac என்னுமிடத்தில் தன் தாயுடன் வாழ்ந்துவந்த குழந்தை ஒன்று பள்ளிக்கு வராததால், அவளுடைய தாயை தொடர்பு கொள்ள முயன்றுள்ளார் அந்த சிறுமியின் ஆசிரியை.  அவரை தொடர்பு கொள்ள முடியாததால் பொலிசாருக்கு அவர் தகவல் கொடுக்க, பொலிசார் அந்தக் குழந்தையின் வீட்டுக்கு விரைந்துள்ளார்கள்.

ஜன்னலை உடைத்துக்கொண்டு அவர்கள் உள்ளே நுழைய, வீட்டுக்குள் துர்நாற்றம் வீசியுள்ளது. 40 வயதுடைய ஒரு பெண்ணின் உயிரற்ற உடல் வீட்டுக்குள் கிடக்க, அருகில் ஒரு நான்கு வயது குழந்தை அமர்ந்திருப்பதை பொலிசாரும் அவசர உதவிக்குழுவினரும் கண்டுள்ளனர்.

அவர்களைக் கண்டதும் குழந்தை அழத் துவங்க, உணவும் நீரும் உட்கொள்ளாததால் சோர்வும் அதிர்ச்சியும் அடைந்திருந்த அவளை மீட்டு மருத்துவமனையில் சேர்த்துள்ளனர் அவசர உதவிக்குழுவினர்.