சீனப் பொருட்கள் மீது சுங்கவரிகள் விதிக்கப்படலாம் என பிரான்ஸ் எச்சரித்துள்ளது.

பிரான்ஸ் ஜனாதிபதி இமானுவேல் மேக்ரான், சீனாவுடன் உள்ள வர்த்தக பற்றாக்குறை (trade deficit) அதிகரித்து வருவதால், சீனப் பொருட்களுக்கு வரி விதிக்க வேண்டிய நிலை உருவாகலாம் என்று எச்சரித்துள்ளார்.

மேக்ரான், சமீபத்தில் சீனாவிற்கு மேற்கொண்ட மூன்று நாள் அரசு பயணத்தின் போது, “சீனாவின் வர்த்தக அதிகப்படியான நிலை (trade surplus) நிலைத்திருக்க முடியாது. இது ஐரோப்பிய தொழில்துறையை பாதிக்கிறது” என்று தெரிவித்தார்.

அவர், உலகளாவிய வர்த்தக சமநிலையின்மை, புவியியல் அரசியல் மற்றும் சுற்றுச்சூழல் தொடர்பான பிரச்சினைகளில் அதிக ஒத்துழைப்பை வழங்குமாறு சீனாவை கேட்டுக்கொண்டுள்ளார்.

“சீனாவின் வர்த்தக அதிகப்படியான நிலை, அவர்களது வாடிக்கையாளர்களையே பாதிக்கிறது. அவர்கள் எங்களிடமிருந்து இறக்குமதி செய்வதை குறைத்துவிட்டனர்.

சீனா நடவடிக்கை எடுக்காவிட்டால், அமெரிக்கா எடுத்துள்ள நடவடிக்கைகளைப் போல, ஐரோப்பாவும் சீனப் பொருட்களுக்கு வரி விதிக்கத் தள்ளப்படும்” என்று மக்ரோன் Les Echos பத்திரிகைக்கு அளித்த பேட்டியில் கூறியுள்ளார்.

வர்த்தக நிலை

2019 முதல், ஐரோப்பிய ஒன்றியத்தின் சீனாவுடனான வர்த்தக பற்றாக்குறை 60 சதவீதமாக அதிகரித்துள்ளது. பிரான்ஸின் வர்த்தக சமநிலையும் தொடர்ந்து மோசமடைந்து வருகிறது.

“ஐரோப்பிய தொழில்துறை இன்று அமெரிக்காவின் பாதுகாப்பு கொள்கை மற்றும் சீனாவின் அதிகப்படியான ஏற்றுமதி ஆகியவற்றுக்கு இடையில் சிக்கியுள்ளது. இது ஐரோப்பிய தொழில்துறைக்கு வாழ்வா சாவா பிரச்சினை” என மேக்ரான் வலியுறுத்தியுள்ளார்.

சீனாவுடன் சமரசமான அணுகுமுறை தேவைப்படுவதாகவும், அதற்காக semiconductor machinery ஏற்றுமதி தடைகளை ஐரோப்பா நீக்க வேண்டும், அதேபோல் சீனா rare earths ஏற்றுமதி கட்டுப்பாடுகளை தளர்த்த வேண்டும் எனவும் மேக்ரான் பரிந்துரைத்துள்ளார்.

இந்த எச்சரிக்கை, சீனாவுடனான வர்த்தக உறவுகள் மற்றும் ஐரோப்பிய தொழில்துறையின் எதிர்காலத்தைப் பற்றிய முக்கிய விவாதத்தை தூண்டியுள்ளது.