செம்மணி மனிதப் புதைகுழியில் முன்னதாக இரண்டு கட்டங்களாக மேற்கொள்ளப்பட்ட அகழ்வுப் பணிகளின் போது 240 மனித எலும்புக் கூட்டுத் தொகுதிகள் அடையாளம் காணப்பட்டிருந்த நிலையில் 239 மனித எலும்புக் கூட்டுத் தொகுதிகள் முழுமையாக அகழ்ந்து எடுக்கப்பட்டிருந்தன.  இந் நிலையில் பருவமழை மற்றும் மழை வெள்ளம் காரணமாக மூன்றாம் கட்ட அகழ்வுப் பணிகளை மேற்கொள்வதில் தாமதம் ஏற்பட்டிருந்தது.

இந்த நிலையில் மேலும் எலும்புக் கூட்டுத் தொகுதிகள் குறித்த பகுதிகளில் காணப்படுவதால் மூன்றாம் கட்ட அகழ்வுப் பணிகளை மேற்கொள்ள வேண்டுமெனவும், இதற்கென எட்டுவார காலப் பகுதி தேவையெனவும் யாழ்.மாவட்டச் சட்ட வைத்திய அதிகாரி செல்லையா பிரணவநாதன் நீதிமன்றத்தில் விண்ணப்பம் செய்தமைக்கு அமைவாகச் செம்மணி மனிதப் புதைகுழியின் மூன்றாம் கட்ட அகழ்வுப் பணிகளை முன்னெடுப்பதற்கு நீதிமன்றம் அனுமதி வழங்கியுள்ளது.