அமெரிக்காவுடனான மோதலைத் தணிக்கும் ஒப்பந்தத்தின் ஒரு பகுதியாக, ஹோர்மூஸ் நீரிணையின் ஓமன் பகுதி வழியாகக் கப்பல்கள் தடையின்றிச் செல்ல அனுமதிப்பதில் ஈரான் கவனம் செலுத்துவதாக வெளிநாட்டு ஊடகங்கள் தெரிவிக்கின்றன.
தெஹ்ரான் ஆட்சியால் சமர்ப்பிக்கப்பட்ட இந்த முன்மொழிவின்படி, சம்பந்தப்பட்ட கடல் எல்லை வழியாகச் செல்லும் கப்பல்கள் எந்தவிதத் தாக்குதல் அச்சுறுத்தலும் இன்றிச் செல்ல அனுமதிக்கப்படும்.
புதிய இராணுவ மோதலைத் தடுப்பதற்காக அமெரிக்காவுடன் நடைபெற்று வரும் பேச்சுவார்த்தைகளின்போது இந்த முன்மொழிவு முன்வைக்கப்பட்டுள்ளதாக, தெஹ்ரானில் உள்ள வட்டாரங்களை மேற்கோள் காட்டி வெளிநாட்டு ஊடகங்கள் சுட்டிக்காட்டுகின்றன.
